Betül Yılmaz
23 Декември 2025•Ажурирај: 24 Декември 2025
ЕРУСАЛИМ / ИСТАНБУЛ (AA) – Израелскиот премиер Бенјамин Нетанјаху денес присуствуваше на рочиште во Окружниот суд во Тел Авив, за да се брани од обвиненијата за корупција, јавуваат локалните медиуми, јавува Анадолу.
Нетанјаху продолжува со својата одбрана пред Окружниот суд во Тел Авив во случајот познат како „4.000“ во кој е обвинет за давање регулаторни услуги на Шаул Елович, тогашниот сопственик на телекомуникациската компанија „Безек“ и веб-сајтот за вести „Вала“, во замена за покривање кое оди во негова и во корист на неговата сопруга, објави весникот „Маарив“.
На почетокот на седницата Нетанјаху побарал 30-минутна пауза за да учествува на вежба преку „Зум“, „во подготовка за можен ракетен напад“, додаде „Маарив“.
Израелските медиуми наведуваат дека Нетанјаху ги користи политичките и безбедносните состаноци, патувањата и телефонските повици како средство да избегне појавување на суд.
На почетокот на декември Нетанјаху поднесе официјално барање до претседателот Исак Херцог за помилување од корупциските обвиненија.
Ова барање предизвика поделби во Израел, при што многумина се спротивставија на евентуално помилување доколку Нетанјаху не признае вина и не се повлече од политичкиот живот.
Премиерот повеќепати одбиваше да признае вина и неодамна изјави дека нема да се повлече од политиката дури и во случај да добие помилување.
Во јануари, Нетанјаху започна со испрашувања во рамките на случаите 1000, 2000 и 4000, кои тој целосно ги негира.
Израелскиот премиер, исто така, се соочува со обвиненија за воени злосторства и злосторства против човештвото откако Меѓународниот кривичен суд во ноември 2024 година издаде налози за апсење против него и поранешниот министер за одбрана Јоав Галант поради злосторствата во Газа.
Според податоците, од октомври 2023 година во Газа се убиени речиси 71.000 луѓе, најмногу жени и деца.
