Израелските сили убија палестинска тинејџерка на Западниот Брег

РАМАЛА (АА) - Израелските сили убија палестинска тинејџерка во окупираниот град Џенин на Западниот Брег, известува Агенција Анадолија (АА).

„Џана Мајди Исам Закарна (16) беше на кровот на својата куќа кога израелските војници ја застрелаа во глава“, соопшти палестинското Министерство за здравство.

Извори блиски на АА информираа дека судирите избиле кога израелските специјални сили спровеле рации во градот Џенин за да ги приведат малолетниците по кои трагаат.

„Израелските сили ранија уште тројца Палестинци кои се наоѓаат во болницата Ибн Синан во Џенин“, соопшти палестинската Црвена полумесечина.

Здружението на палестински затвореници објави дека во рациите се приведени три лица.