Emre Gürkan Abay
09 Септември 2022•Ажурирај: 12 Септември 2022
МОСКВА (АА) - „Комерсант“, еден од високотиражните руски весници, под наслов „Ердоган се согласува со Путин дека украинското жито не оди во сиромашните земји“, објави вест, во која детално се пренесени оценките на претседателот Ердоган и за постојаните тешкотии на руското жито, известува Агенција Анадолија (АА).
Рускиот високотиражен весник „Известија“ објави вест под наслов „Ердоган се согласува со Путин дека житото од Украина не се транспортира во сиромашните земји“.
Во веста во која е вклучена изјавата на претседателот Ердоган дека рускиот претседател Путин е загрижен поради тоа што житото оди во земјите кои воведуваат санкции кон Русија, споделена е и информацијата дека турскиот лидер планира за ова прашање со својот руски колега да разговара во узбекистанскиот град Самарканд.
Руската новинска агенција ТАСС во веста под наслов „Ердоган се согласува со Путин дека е проблем житото испратено од Украина да оди во земјите во развој“, наведува дека Турција смета дека и руското жито треба да стигне и на светските пазари.
Рускиот весник „Вести на денот во Русија и светот“ (РБК), под наслов „Ердоган се согласува со Путин дека житото оди во богатите земји“, објави вест во која се цитира Ердоган „Сè уште нема пратка со жито од Русија, но господинот Путин е сосема во право за една тема. Што е тоа? Житото што се транспортира, за жал, оди во богатите, а не во сиромашните земји.“
Путин во својата изјава дадена на 7 септември, обвинувајќи ја Европа за колонијализам поради пратките со житото од Украина, истакна: „Неопходно е да се размисли за ограничување на рутата на жито и другата храна што оди во овој правец. За ова прашање дефинитивно ќе се консултирам со турскиот претседател Реџеп Таип Ердоган.“
