Серија земјотреси со интензитет од 5,5 до 6,2 степени ја потресоа Индонезија

КУАЛА ЛУМПУР (АА) - Серија земјотреси со интензитет од 5,5 до 6,2 степени по Рихтер ја потресоа индонезиската покраина Западна Папуа, известува Агенција Анадолија (АА).

Агенцијата за метеорологија, климатологија и геофизика на Индонезија соопшти дека станува збор за четири земјотреси со магнитуда од 5,5 до 6,2 степени.

Епицентарот на земјотресите е регистриран на околу 37 километри северозападно од регионот Централен Мамберамо во Западна Папуа.

Шефот на Одделот за ублажување на земјотреси и цунами изјави дека нема опасност од појава на цунами и дека притисокот на тектонската плоча Мемберамо Анџак ја започнал серијата потреси.

Во неговата изјава се наведува дека засега нема информации за евентуални жртви и причинета материјална штета од земјотресите.