Лондон: Активистите за заштита на околината од „Бунт против истребување“ започнаа двонеделни протести

ЛОНДОН

Активистите за заштита на околината од организацијата „Бунт против истребување“ (Extinction Rebellion) во Лондон започнаа протести за да укажат на проблемот со климатските промени. Според најавата за протестите, тие би требало да траат две недели, јавува Агенција Анадолија (АА).

Во соопштението на групата е наведено дека „Бунт против истребување“ (Extinction Rebellion) повторно ќе излезе на улиците на Лондон за да укаже на корените на климатската и еколошка криза.

Членовите на групата ја продолжуваат борбата додека властите не ги запрат новите вложувања во фосилните горива.

Сепак, во соопштението на полицијата е наведено оти очекуваат дека протестите би можеле да траат до 4 септември, поради што во градот би можело да дојде до отежнат сообраќај.

Помошникот на комесарот Мет Твист потсети дека членовите на организацијата „Бунт против истребување“ (Extinction Rebellion) во Лондон одржале три долги протести, кога бил отежнат автобускиот и метро сообраќајот.

Твист изјави дека како и сите така и „Бунт против истребување“ (Extinction Rebellion) има право на собир и протести.

„Но, овие права, би требало да бидат во согласност со правата на другите“, изјави Твист кој смета дека „Бунт против истребување“ (Extinction Rebellion) нема право да предизвика колапс во Лондон и да спречи одвивање на другите работи.

На протестите одржани претходните години се приведени стотици луѓе.

​​​​​​​