На половина милион Либијци кои се вратија во домовите потребна им е хуманитарна помош

АНКАРА (АА) - Високиот комесаријат за бегалци при Обединетите нации (UNHCR) соопшти дека на половина милион Либијци кои се вратија во своите домови по претходното внатрешно раселување низ Либија, потребна им е хуманитарна помош, пренесува Anadolu Agency (AA).

Во соопштението на УНХЦР се вели дека помош им е потребна на 445.000 Либијци кои се вратиле во своите домови. Во соопштението, исто така, се наведува дека околу подрачјата каде што се вратени семејствата, сѐ уште има неексплодирана муниција.

Од 2011 година, откако беше прекинато владеењето на Муамер Гадафи со интервенција на НАТО, има континуирана нестабилност поради судирите на локалните водачи и милициските групи, како и од интервенциите на меѓународните и регионалните сили. Поради овие судири, во земјата повремено има прекини на основните услуги како што се електричната енергија, здравството и образованието.