НАТО се подготвува за „трансформативниот“ Самит на лидерите во Мадрид

БРИСЕЛ (АА) – Претстојниот Самит на лидерите на НАТО ќе биде „трансформативен“ за евроатлантската безбедност, изјави денеска челникот на Алијансата, Јенс Столтенберг јавува Агенција Анадолија (АА).

Генералниот секретар во обраќањето пред новинарите во Брисел во пресрет на вториот ден од состанокот на министрите за одбрана на НАТО, се осврна на Самитот на лидерите закажан за 29 и 30 јуни во Мадрид, главниот град на Шпанија.

Тој рече дека Самитот на НАТО ќе биде трансформативен во контекст на евроатлантската безбедност, бидејќи ќе ја зајакне одбраната на долг рок на овој воен сојуз со цел да може да се соочи со предизвиците на, како што рече, „сѐ поопасниот свет“.

Според Столтенберг, министрите за одбрана на НАТО веќе ги поставиле темелите „да продолжат да обезбедуваат суштинска и невидена поддршка за Украина“.

На повторното обединување денеска се разговара за начинот на модернизација на НАТО и за потребата од зголемување на трошоците за одбрана, како и за зајакнување на партнерствата со Јапонија, Јужна Кореја и Нов Зеланд.

Министрите ќе зборуваат и за аплицирањето за членство на Шведска и Финска во НАТО.

Пред состанокот, американскиот секретар за одбрана, Лојд Остин, изрази надеж дека процедурата „ќе се придвижи напред во поддршка на желбата за влез во НАТО“, додавајќи дека двете земји се многу способни и споделуваат исти основни вредности како и останатите сојузници.