Erbil Başay
30 Мај 2018•Ажурирај: 30 Мај 2018
БЕРЛИН (АА) - Силно невреме предизвика поплави низ Германија, јавува Anadolu Agency (AA).
Локалните медиуми наведуваат дека невремето најмногу ја погодило покраината Северна Рајна-Вестфалија, а поплавите се забележани во градовите Вупертал и Ахен.
На подрачјето на Вупертал се поплавени улици, урнати се стебла и срушен е покрив на една бензинска пумпа. Поплавени се и некои згради и трговски центри во градот.
Од Универзитетот „Вупертал“ е соопштено дека е срушен покрив на една зграда во кампусот и оти е поплавено приземје на најмалку два станбени објекти.
Од Германски железници наведуваат дека поради неповолните временски услови бил запрен и железничкиот сообраќај на подрачјето на тој град. Некои делови се и без електрична енергија.
