Islam Doğru
25 Јули 2024•Ажурирај: 25 Јули 2024
ЊУЈОРК (АА) - Израелскиот премиер Бенјамин Нетанјаху рече дека „ниту еден цивил не е убиен во градот Рафа во Појасот Газа“, каде што се убиени илјадници Палестинци, јавува Анадолу.
Израелскиот премиер одржа говор кој траеше околу еден час на заедничката седница на Конгресот на покана на челникот на американскиот Конгрес.
Тврдејќи дека нападите од 7 октомври 2023 година од страна на Хамас се слични на нападите на Перл Харбор во 1941 година и нападите врз САД во 2001 година, Нетанјаху му се заблагодари на американскиот претседател Џо Бајден за поддршката на Израел во нападите во Газа и што рекол дека е „горд ционист“.
Нетанјаху тврдеше дека се „лаги“ информациите за убиството на цивилите во Газа.
„И покрај сите лаги што ги слушате, Газа е местото каде што жртвите на неборбените цивили се најмали во историјата на урбаните војни во споредба со загубите на оние што се борат“, тврдеше израелскиот премиер.
Тој рече дека минатата недела бил во Рафа и се сретнал со командантите на израелската Армија.
Нетанјаху во таа пригода прашал колку цивили се убиени. Тој рече дека добил одговор дека „има само еден инцидент во кој шрапнели од бомба погодиле вооружен персонал на Хамас и затоа ненамерно биле убиени дваесетина луѓе“.
Во своето обраќање тој тврдеше дека добил одговор дека „ниту еден цивил не е убиен надвор од инцидентот“.
Нетанјаху им рече на членовите на Конгресот дека Израел прави големи напори да ги заштити цивилите во Газа и тврдеше дека Хамас е одговорен за смртта на цивилите.
Израелскиот премиер тврдеше дека „дозволиле повеќе од 40.000 камиони со хуманитарна помош да поминат во Газа“.
„Ако во Газа има Палестинци кои не можат да добијат доволно храна, тоа не е затоа што Израел го спречува тоа, туку затоа што Хамас краде од нив“, рече Нетанјаху.
Интересен е фактот дека Нетанјаху добиваше долги овации од членовите на американскиот Конгрес на крајот од секоја реченица за време на неговиот говор, кој траеше околу еден час.
