Од нелегален алкохол во Русија починаа 32 лица

МОСКВА

Бројот на луѓе што ги загубија животите поради труење со нелегален алкохол во регионот Оренбург во Русија се зголеми на 32, известува Агенција Анадолија (АА).

Во соопштението на администрацијата на регионот Оренбург се наведува дека се зголемува бројката на луѓе затруени од алкохол во регионот во последните 3 дена.

„Бројот на лица кои се хоспитализирани поради труење со нелегален алкохол се зголеми на 64, од кои 32 ги загубија животите“, се вели во соопштението.

Полицијата објави дека се приведени 9 лица поврзани со инцидентот со труење, при што 4 лица се притворени под обвинение за производство и продажба на нелегален алкохол.