Палестинските власти ја поздравија одлуката на Шпанија, Норвешка и Ирска да ја признаат Палестина како држава

РАМАЛА (АА) – Палестинските власти (ПА) го поздравија потегот на Норвешка, Шпанија и Ирска, кои денес го објавија официјалното признавање на палестинската држава, јавува Анадолу.

Раководството на Палестина со седиште во Рамала рече дека признавањето на државата Палестина е чин на признавање на правото на палестинскиот народ на самоопределување на својата земја и преземање вистински чекори за поддршка на спроведувањето на решението за две држави.

„Правото на народите на самоопределување е воспоставено право и признаено со меѓународното право“, се вели во соопштението.

Палестинските власти ги повикаа другите земји да го следат овој пат на враќање на довербата во глобалниот систем заснован врз правила и еднакви права за сите народи.

Признавањето на Палестина како држава од страна на Норвешка, Ирска и Шпанија ќе стапи на сила на 28 мај 2024 година.