Појасот Газа: Во израелски напад врз бегалскиот камп Нусејрат загинаа седуммина Палестинци

ГАЗА (АА) - Поради бомбардирањето на израелската војска врз бегалскиот камп Нусејрат во централниот дел на Појасот Газа, загинаа седуммина Палестинци, јавува Анадолу.

Очевидци изјавија дека во израелскиот воздушен напад врз бегалскиот камп Нусејрат загинале седуммина Палестинци, а има и ранети.

Израелски воени авиони интензивно летаа и над градот Деир ал Белах, исто така, во централниот дел на Појасот Газа.

Израелските артилериски единици извршија напади и врз западните населби на градот Рафа, на југот од Појасот Газа.

Во израелските напади врз Појасот Газа од 7 октомври минатата година загинати се најмалку 37.347 Палестинци, главно жени и деца, а 85.372 се повредени.