Претседателот на турскиот Парламент се состана со катарскиот емир

ДОХА (АА) - Претседателот на Големото народно собрание на Турција, Мустафа Шентоп, денеска во Доха се состана со катарскиот емир, шеикот Тамим бин Хамад ал Тани, пренесува Агенција Анадолија (АА).

„Разговорите меѓу двете страни се фокусираа на пријателските односи и соработката меѓу двете страни и начините за нивно унапредување“, се вели во соопштението од канцеларијата на катарскиот емир.

На состанокот присуствуваше и претседателот на катарскиот Совет на Шура, Хасан бин Абдула ал Гани.

Турција и Катар уживаат силни односи, особено по блокадата на заливската земја во 2017 година од Саудиска Арабија и од други земји.

Двете земји ги зајакнаа воените и економските врски во последните години.