Руски воен авион се урна на југот од Сибир, загинаа двајцата пилоти

МОСКВА (АА) - Руски воен авион се урна во јужен Сибир, а во несреќата животот го загубија двајцата пилоти, пренесува Агенција Анадолија (АА).

Цитирајќи го гувернерот на Иркутск, Игор Кобзев, државната новинска агенција ТАСС објави дека воениот авион СУ-30 се урнал врз двокатна зграда во Иркутск.

Засега не е позната причината за несреќата.

Министерството за одбрана на Русија на 17 октомври соопшти дека борбениот авион СУ-34 се урнал во населено место во градот Јејск додека бил на тренажен лет. Во несреќата животот го загубија 13 лица, меѓу кои и три деца.