Сириската Армија соопшти дека цивили и војници се убиени од мини на СДФ во североисточна Сирија

ИСТАНБУЛ (АА) – Сириската Армија денес соопшти дека голем број цивили и војници загинале во експлозии на мини и експлозивни направи поставени од терористичката организација ЈПГ/СДФ во Рака, Деир ез-Зор и источно Алепо, пренесува Анадолу.

Во соопштението објавено од Сириската арапска новинска агенција (САНА), Оперативната команда на Армијата ги повика цивилите во Рака, Деир ез-Зор и источно Алепо „да не влегуваат во местата или тунелите на организацијата СДФ“ во североисточна Сирија.

„Терористите на организацијата СДФ и ПКК поставиле експлозивни направи на врати, ходници и тунели, како и експлозив, маскирани како камења и градежни тули“, се вели во соопштението.

Според него, СДФ, исто така, наполниле со експлозиви „домашен мебел и возила во повеќето од нивните поранешни локации, покрај куќите каде што биле стационирани и местата во близина на јавните патишта“.