Сириската Влада формира комисија за Конференција за национален дијалог

ИСТАНБУЛ (АА) - Сириската Влада денес соопшти дека е формирана подготвителната комисија за Конференцијата за национален дијалог, објави државната новинска агенција САНА, пренесува Анадолу.

Одлуката е донесена од претседателот Ахмед ал Шара, се вели во соопштението, додавајќи дека „се заснова врз високите национални интереси и потребата од исполнување на аспирациите на сирискиот народ“.

Комисијата е одговорна за воспоставување рамка за својата работа за гарантирање на успехот на дијалогот, според претседателската резолуција.

Должностите на комисијата ќе завршат откако ќе биде објавено завршното соопштение на конференцијата.

Башар ал Асад, лидер на Сирија речиси 25 години, побегна во Русија откако антирежимските групи ја презедоа контролата врз Дамаск на 8 декември, ставајќи крај на режимот на партијата Баас, која беше на власт од 1963 година.

Администрацијата за воени операции на Сирија на 29 јануари го објави назначувањето на Ал Шара за претседател, укинувањето на Уставот од 2012 година и распуштањето на Парламентот, армијата и безбедносните агенции на поранешниот режим.