Спроведена шестата турско-руска копнена патрола во сириски Идлиб

АНКАРА (АА) - Министерството за национална одбрана на Турција соопшти дека во рамките на спогодбата помеѓу Турција и Русија, спроведена е шестата заедничка турско-руска копнена патрола во сириски Идлиб, пренесува Агенција Анадолија (АА).

„Во рамки на договорот од Москва, спроведена е 6. заедничка турско-руска копнена патрола на Автопатот М4, во Идлиб, со учество на копнени и воздушни елементи“, се вели во соопштението на туското Министерство објавено на Твитер.

Според договорот, сите воени активности во Идлиб треба да завршат и да се воспостави безбедносен коридор 6 километри на север и југ од клучниот Автопат М4.

Автопатот, познат и како пат Алепо - Ал Хасака, е оддалечен 30 км од границата со Турција.