Тајван соопшти дека седум кинески авиони влегле во зоната на воздушната одбрана

ИСТАНБУЛ (АА) - Тајван соопшти дека најмалку седум кинески воени авиони преминале преку Тајванскиот Теснец за да влезат во воздушниот простор, пренесува Агенција Анадолија (АА).

Министерството за одбрана на Тајван соопшти дека седум авиони што ѝ припаѓаат на Народноослободителната војска на Кина влегле во зоната за идентификација на воздушната одбрана (ADIZ).

Тајван ја дефинира зоната за идентификација на воздушната одбрана (ADIZ) како област што се протега надвор од неговиот воздушен простор, каде што контролорите на воздушниот сообраќај бараат од авионите што доаѓаат да се идентификуваат.

Вчера, Министерството за одбрана на Тајван објави дека два кинески авиони влегле во тајванската област на воздушната одбрана, додека осум такви авиони го преминале Тајванскиот Теснец во саботата откако американскиот разурнувач со наведувани ракети „УСС Ралф Џонсон (DDG-114)“ пловел низ Тајванскиот Теснец.

Додека светот се фокусира на војната меѓу Русија и Украина, набљудувачите исто така внимателно ги следат потезите на Кина во однос на Тајван, која го гледа какo отцепена територија.

Тајпеј, сепак инсистира на својата независност од 1949 година и одржува дипломатски односи со најмалку 14 земји.