Тајфунот Гаеми предизвика свлечиште во Кина, загинаа 11 лица

АНКАРА (АА) - Најмалку 11 лица ги загубија животите во свлечиште во Кина по поројните врнежи од дожд предизвикани од тајфунот Гаеми, известува Анадолу.

Официјален претставник за вонредни состојби во провинцијата Хунан соопшти дека тајфунот Гаеми, кој ја погоди земјата, предизвика обилни врнежи во регионот, објави новинската агенција Синхуа.

Властите соопштија дека 18 лица биле затрупани под земја во лизгање на земјиштето предизвикано од врнежите во селото Јуелин.

Во операцијата на потрага и спасување пронајдени се телата на 11 лица. Спасени се шестмина повредени лица, а сѐ уште е во тек потрагата по уште едно лице.

На Филипините загинаа 34 лица, а 10 лица во Тајван во поплавите и свлечишта предизвикани од тајфунот Гаеми.