Терористите на ЈПГ/ПКК сместени во Тел Рифат го нападнаа Африн: 5 загинати

АФРИН

Пет цивили ги загубија своите животи, а 7 се повредени при нападот на терористичката организација ЈПГ/ПКК во центарот на Африн, кој е ослободен од теророт пред две години со операцијата „Маслинова гранка“, пренесува Агенција Анадолија (АА).

Терористичката организација ЈПГ/ПКК, која согласно договорот меѓу Турција и Русија, постигнат на 22 октомври 2019 година, треба да се евакуира од Тел Рифат, ги нападна цивилите во Африн.

Во нападот изведен со ракети загинаа 5 цивили, а повредени се 7.

Постои загриженост поради можноста да се зголеми бројката на загинати.

Центарот на градот Африн беше ослободен од терористите на ЈПГ/ПКК на 18 март 2018 година со операцијата „Маслинова гранка“, спроведена од Турските вооружени сили (ТСК) и Сириската национална војска (СНВ).

ЈПГ/ПКК, која е отстранета од Африн со операцијата „Маслинова гранка“, ја продолжува својата окупација во регионот Тел Рифат.

Терористичката организација честопати напаѓа цивилни населби во Африн и Азез, кои се наоѓаат под контрола на Сириската национална војска (СНВ).

Терористите последен пат го нападнаа со ракети центарот на Африн на 29 јануари, при што беа повредени 4 цивили.

Се забележува дека нападите се реализирани на двегодишнината од ослободувањето од терористичката организација на центарот на Африн.