Турските сили уапсија 5 терористи на ЈПГ/ПКК во северна Сирија

АНКАРА (АА) - Турските безбедносни сили приведоа пет терористи на ЈПГ/ПКК во северна Сирија, во близина на сириско-турската граница, соопшти денес Министерството за национална одбрана на Турција, пренесува Агенција Анадолија (АА).

Министерството истакна дека терористите се уапсени во подрачјето на операцијата „Маслинова гранка“, каде што турските сили спроведоа антитерористичка операција.

Турските сили се во регионот како дел од прекуграничната безбедносна иницијатива за борба против тероризмот.

Од 2016 година Турција спроведе четири успешни прекугранични антитерористички операции во северна Сирија за да спречи формирање на терористички коридор: „Штитот на Еуфрат“ (2016), „Маслинова гранка“ (2018), „Извор на мирот“ (2019 година) и „Пролетен штит“ (2020).

Во својата над 30-годишна терористичка кампања против Турција, ПКК, која се наоѓа на листата терористички организации во Турција, Соединетите Американски Држави (САД) и Европската Унија (ЕУ), одговорна е за смртта на околу 40.000 луѓе, меѓу кои се наоѓаат и деца и жени. ЈПГ е нејзин сириски огранок.