Merve Gül Aydoğan Ağlarcı
13 Мај 2022•Ажурирај: 14 Мај 2022
АНКАРА (АА) - Турција денеска го критикуваше потегот на САД за изземање на одредени области под контрола на терористите во северна Сирија од санкциите кон режимот на Асад, велејќи дека се обидува да ја „обели“ терористичката организација ЈПГ/ПКК, јавува Агенција Анадолија (АА).
„Одлуката е обид да се легитимира терористичката организација“, изјави министерот за надворешни работи, Мевлут Чавушоглу, на прес-конференција заедно со Кристоф Лутундула Апала, заменик-премиер и министер за надворешни работи на Демократска Република Конго.
„Потегот е произволен и нема објективни критериуми“, додаде тој.
ЈПГ, која е сириски огранок на терористичката организација ПКК, останува под контрола на големи делови од североисточна Сирија со поддршка од САД.
ПКК е назначена терористичка организација од страна на Турција и САД, но Вашингтон се воздржа од слично обележување на нејзиниот сириски огранок, бидејќи во голема мера продолжува да се потпира на ЈПГ како свој примарен партнер во североисточна Сирија, и покрај приговорите на Анкара.
САД тврдат дека ЈПГ/ПКК е „сојузник“ во борбата против терористичката организација ДЕАШ, но Турција вели дека користењето на една терористичка организација за борба против друга нема смисла.
Исто така, за нападите во четвртокот на симпатизерите на ПКК врз Генералниот конзулат на Турција во Париз, Чавушоглу ги повика француските власти да преземат „конкретни правни чекори“ против терористите.
Доцна во ноќниот напад со експлозиви од типот на огномет оштетени се прозорец и надворешниот ѕид на зградата на Конзулатот
Нападот во Париз се случи веднаш по тоа, откако приврзаниците на ПКК го нападнаа Меѓународниот детски фестивал минатата недела во Базел, Швајцарија.
По нападот во Швајцарија, турскиот директор за комуникации, Фахретин Алтун, рече дека ваквите инциденти покажуваат дека тероризмот на ПКК „ја зафатил Европа како отровен бршлен и дека е неопходен повеќедимензионален напор за да се спротивстави на оваа глобална закана“.
Во својата над 35-годишна терористичка кампања против Турција, ПКК, којашто се наоѓа на листата на терористички организации на Турција, САД и Европската Унија, одговорна е за смртта на најмалку 40.000 луѓе, вклучувајќи деца и жени. ЈПГ е сириски огранок на ПКК.
