Убиени 16 лица во нападите на одметнички групи во јужна Сирија, објави власта

ИСТАНБУЛ, (АА) – Шеснаесет цивили и припадници на безбедносните сили се убиени во напади на „одметнички групи“ во јужна Сирија, соопштија властите денес, известува Анадолу.

Во соопштението, началникот на полицијата на околината на Дамаск, Хусам ал-Тахан, изјави дека вооружени групи нападнале безбедносни пунктови во периферијата на Ашрафијат Сахнаја, град претежно населен со Друзи, оддалечен 12 километри од центарот на Дамаск.

Ал-Тахан истакна дека 11 припадници на безбедносните сили се меѓу убиените во нападите.

Тој рече дека ескалацијата следела по немирите во блискиот град Џарамана, област на Друзите, каде што во последните два дена беше постигнат кревок договор за прекин на огнот со локалните водачи на заедницата.

Договорот вклучувал прекин на огнот и враќање на телата на убиените во неодамнешните судири, рече Ал-Тахан и додаде дека властите веднаш почнале да ги спроведуваат условите.

„Сепак, разбојнички групи се инфилтрираа во земјоделските поседи во Ашрафијат Сахнаја во вторникот вечер и пукаа врз цивилите и врз безбедносните сили, убивајќи повеќе лица“, додаде тој.