Финската Влада планира да воведе построги услови за добивање државјанство

АТИНА (АА) - Финската Влада планира да воведе построги услови за добивање државјанство, пренесува Анадолу.

Владата соопшти дека цел на предложениот амандман, кој треба да биде доставен до Парламентот следната пролет, е успешна интеграција како предуслов за државјанство, објави денес јавниот сервис ЈЛЕ (YLE).

Предлогот, исто така, има намера да стави поголем акцент на ризиците поврзани со безбедноста и усогласеноста со правилата на општеството, се додава.

Секој што живее со бенефиции за невработени или социјална помош повеќе нема да го исполнува условот за приход за добивање државјанство, што значи дека приходот ќе се смета за доказ дека апликантот се интегрирал во финското општество.

Предлогот, исто така, ќе ја олесни денатурализацијата за оние што извршиле прекршоци што ги нарушуваат виталните интереси на Финска или за кои ќе се утврди дека дале лажни информации кога аплицирале за државјанство.

„Финското државјанство не е нешто што може да се добива автоматски. Тоа бара успешна интеграција, работа и почитување на правилата на финското општество“, се вели во изјавата на министерката за внатрешни работи Мари Рантанен.