Halime Afra Aksoy
22 Ноември 2023•Ажурирај: 23 Ноември 2023
ГАЗА (АА) - Шефот на Канцеларијата за меѓународни односи на Хамас, Муса Ебу Мерзук, изјави дека постигнатиот договор за хуманитарната пауза во конфликтот со Израел ќе започне утре во 10:00 часот, пренесува Анадолу.
Ебу Мерзук во изјава за телевизискиот канал „Ал Џезира Мубашер“ нагласи дека договорот што ќе обезбеди хуманитарна пауза ќе започне утре во 10 часот.
Тој рече дека повеќето од 50-те заложници што ќе бидат ослободени се странци.
Како што наведе, за секој заложник што го имаат, ќе бидат ослободени по тројца палестински затвореници од израелските затвори.
Ебу Мерзук истакна дека немаат затвори и дека заложниците се чуваат во домовите на Палестинците. Тој рече дека поради оваа причина, кога биле бомбардирани куќите, умреле и заложниците.
Како што рече тој, на Израел му недостасува хуманост, и истакна дека со притисокот врз Израел го принудуваат да дозволи хуманитарната помош да влезе на целата територија на Појасот Газа.
Тој нагласи дека ги увериле сите палестински затвореници во израелските затвори дека ќе бидат ослободени.
