Шефот на турската дипломатија во Јордан учествува на состанок за иднината на Сирија

ИСТАНБУЛ (АА) - Турскиот министер за надворешни работи Хакан Фидан денес учествува на министерскиот состанок за иднината на Сирија по падот на режимот на Башар ал Асад, известува Анадолу.

Јордан, кој ја дели границата со Сирија, е домаќин на состанокот во градот Акаба на Црвеното Море, како дел од напорите за зајакнување на регионалната стабилност и меѓународната соработка по падот на режимот на Асад.

На состанокот присуствуваат и американскиот државен секретар Ентони Блинкен, високата претставничка на Европската унија за надворешна политика и безбедност Каја Калас и специјалниот пратеник на Обединетите нации за Сирија, Геир Педерсен. На дискусиите учествуваат и претставници од Јордан, Обединетите Арапски Емирати, Франција, Катар, Саудиска Арабија, Ирак, Либан, Египет, Германија, Обединетото Кралство и Арапската лига.

Ова е прва меѓународна средба за Сирија по падот на режимот на Асад.

Асад, кој беше лидер на Сирија речиси 25 години, побегна во Русија откако антирежимските групи ја презедоа контролата врз Дамаск на 8 декември, ставајќи крај на режимот на Баас партијата, која беше на власт во Сирија од 1963 година.