Necva Taştan Sevinç
23 Август 2024•Ажурирај: 24 Август 2024
ИСТАНБУЛ (АА) - Бројот на болести поврзани со високите темптератури во Јужна Кореја се зголеми над 3.000 оваа година, а пријавени се 28 смртни случаи поради немилосрдните топлотни бранови што ја зафатија земјата, објавија денес здравствените власти, јавува Анадолу.
Корејската агенција за контрола и превенција на болести (KDCA) регистрираше вкупно 3.019 случаи поврзани со топлина заклучно со средата, од почетокот на мониторингот на 20 мај.
Ова е втор највисок број регистрирани случаи досега, во однос на рекордните 4.526 случаи пријавени во 2018 година, објави новинската агенција Јонхап со седиште во Сеул.
Последната бројка веќе ги надмина 2.818-те случаи регистрирани помеѓу 20 мај и 30 септември минатата година.
Во меѓувреме, корејската метеоролошка управа прогнозираше дека сегашниот топлотен бран, заедно со тропските ноќи, најверојатно ќе опстојува до почетокот на септември.
Во главниот град Сеул, зачестеноста на тропските ноќи достигна рекордно високо ниво, со 36 тропски ноќи забележани летово заклучно со петокот. Ова вклучува дел од 33 последователни дена, најдолгиот период од почетокот на модерните метеоролошки набљудувања во 1907 година.
