Поради инцидентот на натпреварот Трабзонспор-Фенербахче уапсени двајца малолетници

ТРАБЗОН (AA) - Две малолетни лица кои синоќа се уапесни поради вандалскиот инцидент на фудбалскиот натпревар помеѓу Трабзонспор и Фенербахче утрово се предадени на правосудните органи на Турција поради понатамошно процесуирање, јавува Anadolu Agency (AA).

Во 89 минута на мечот од турската Спор Тото Супер лигата помеѓу Трабзонспор и Фенербахче во моментите кога гостинскиот Фенербахче водеше со резултат 4:0 група на домашни навивачи дотрча на терен, а еден од навивачите и физички го нападна помошник судијата Волкан Бајарслан.

Натпреварот е прекинат а полицијата уапси двајца навивачи кои учествуваа во нередите.

Двајцата уапсени се малолетници и се предадени на надлежните органи за процесуирање на малолетничка деликвенција во Трабзон.

Пред обвинителството во Трабзон се собра помала група навивачи на Трабзонспор и со овации пружи помош на уапсените. Навивачите сметаат дека нивниот клуб константно е изложен на "судиски неправди" на теренот и дека на таков начин 2011 година ја загубија титулата првак на Турција.

Конечна одлука за синоќа прекинатиот меч ќе донесе надлежната комисија на Турскиот фудбалски сојуз (ТФС).