„Штитот на Еуфрат”: Погодени 67 позиции на ДАЕШ, неутрализирани се петмина терористи

АНКАРА (АА) - Турската војска соопшти дека вчера во северна Сирија во рамките на операцијата „Штитот на Еуфрат” уништени се 67 позиции на ДАЕШ и неутрализирани се петмина терористи, јавува Anadolu Agency (AA).

Според соопштението на турскиот Генералштаб издаден вчера, позициите се гаѓани со 260 проектили од хаубици и 59 повеќенаменски проектили во областа помеѓу Азаз и ал Раи.

Се додава дека операцијата во Азаз ја поддржале специјалните сили на САД. Турската војска нагласи дека коалициските сили спровеле три воздушни напади во регионите Барагидах, Татимус и Кара Куз, уништувајќи пет објекти.

Се наведува дека од почетокот на операцијата „Штитот на Еуфрат” на 24 август, се погодени 652 мети. Целта на операцијата е елиминирање на терористичките елементи во северниот дел на Сирија.