Алтун за убиството на 13 државјани на Турција од страна на терористите на ПКК: „Нашата одмазда ќе биде болна"

АНКАРА

Шефот на Одделот за комуникации при турското Претседателство, Фахретин Алтун, истакна дека Турција решително ќе ја продолжи својата борба против сите терористички организации сè до целосно и трајно елиминирање на терористичката закана, пренесува Агенција Анадолија (АА).

Алтун во објава на социјалните мрежи се осврна на борбата против тероризмот, потсетувајќи дека терористичката организација ПКК, која е на листата на терористички организации во Турција, САД и ЕУ, убила 13 турски државјани што биле држени во северниот дел на Ирак.

„Нашите шехиди беа храбри деца на Турција, која е сојузник на НАТО и дава придонес во глобалната борба против тероризмот. Турција решително ќе ја продолжи својата борба против сите терористички организации сè до целосно и трајно елиминирање на терористичката закана. Ќе ги направиме потребните чекори во врска со лицата што го поттикнуваат тероризмот на нашите територии и во странство“, напиша Алтун.

„Постојат некои прашања кои денес особено треба да ги одговори ХДП, која е политички огранок на ПКК во Турција“, рече тој, и додаде:

„Немате ли срам? Дали толку се плашите од вашите вооружени господари, па дури не можете да го осудите ова злосторство против човештвото? Вашиот молк значи неискажана согласност и соучесништво. Молкот на Западот за терористичките напади и одвратните злосторства на ПКК е показател на тоа дека постои голема разлика помеѓу зборување за демократија, правда и права, и поддржување на овие принципи. Затоа не ви остана кредибилитет. Додека нашиот народ жали за своите шехиди херои, ние ја повторуваме нашата посветеност за фаќање и на последниот терорист што се крие во нивните пештери и куќи. Нашата одмазда ќе биде болна. Нашата правда ќе дојде брзо.“