Muhammed Enes Çallı
27 Декември 2023•Ажурирај: 27 Декември 2023
АНКАРА (АА) - Терористичките напади нема да можат да го запрат напредокот на Туркије, изјави денес турскиот претседател Реџеп Таип Ердоган, јавува Анадолу.
Говорејќи на церемонијата на доделувањето на наградите од областа на науката во главниот град Анкара, Ердоган порача: „Сакам да се знае дека грозоморните терористички напади, чија цел е да го задушат подемот на Туркије, никогаш нема да можат да го попречат нашиот свет марш.“
„Не се сомневам дека овој век во кој се наоѓаме ќе биде ера на нашата нација и на нашата држава.“
Потсетувајќи за загинувањето на 12 турски војници во терористичкиот напад на ПКК минатата недела, Ердоган рече дека за само 36 часа Туркије уништила вкупно 54 терористи, додавајќи дека крвта на загинатите херои нема да биде залудно пролеана.
Туркије спроведе воздушни операции на 71 позиција во Северен Ирак и Сирија, соопшти претходно турското Министерство за одбрана.
Терористите на ПКК често се кријат во Северен Ирак, каде што планираат прекугранични напади во Туркије. Терористичката организација има и сириски огранок, познат како ЈПГ.
Во својата над 35-годишна терористичка кампања против Туркије, ПКК, која се наоѓа на листата на терористички организации на Туркије, САД и ЕУ, е одговорна за смртта на повеќе од 40.000 луѓе, меѓу кои и жени, деца и бебиња.
