Ердоган: „Турција подготвува нов проект за доброволно враќање на 1 милион сириски бегалци“

ИСТАНБУЛ (АА) - Турција подготвува нов проект што ќе овозможи доброволно враќање на 1 милион сириски бегалци во нивната земја, изјави денес турскиот претседател Реџеп Таип Ердоган, јавува Агенција Анадолија (АА).

„Проектот ќе се реализира наскоро со поддршка на националните и меѓународните невладини организации“, рече Ердоган на церемонијата за инаугурација на новите куќи изградени во Идлиб во северна Сирија.

Ердоган присуствуваше на церемонијата преку видеоконференција.

Тој рече дека откако Турција ги започнала своите прекугранични операции во 2016 година, околу 500.000 Сиријци се вратиле во безбедните зони во северна Сирија.