Министерство за одбрана на Турција: Неутрализирани пет терористи на ПКК/ЈПГ во северна Сирија

АНКАРА

Министерството на одбрана на Турција објави дека петмина терористи на ЈПГ/ПКК се неутрализирани во зоната на операцијата „Извор на мир“, во северниот дел на Сирија, известува Агенција Анадолија (АА).

Во соопштението на Министерството за одбрана се наведува дека четворица терористи се неутрализирани откако отвориле оган на граничниот премин Акдоган во Мардин кон Турција. Во продолжение се додава дека турските командоси неутрализирале и терорист на ПКК/ЈПГ кој се подготвувал да изврши напад врз зоната на операција „Извор на мирот“.

Министерството за одбрана ја истакна својата решителност за продолжување на борбата против терористите.

ПКК е сепаратистичка организација којашто се наоѓа на листата терористички организации во Турција, Европската Унија и САД. За време на повеќедецениската терористичка кампања против Турција, терористите на ПКК се одговорни за смртта на најмалку 40.000 луѓе. Во северна Сирија дејствува ЈПГ, кој е огранокот на ПКК.

Турските сили во северна Сирија во изминатите шест години по должината на сириско-турската граница спроведоа неколку успешни антитерористички операции: „Штитот на Еуфрат“ (2016), „Маслинова гранка“ (2018) и „Извор на мирот“ (2019).

Целта на операциите беше ослободување на пограничниот појас од терористичките организации, да се спречи формирање терористички коридор и да се воспостави безбедна зона за цивилите.