Jeyhun Aliyev
20 Март 2019•Ажурирај: 20 Март 2019
КАЈСЕРИ (АА) - Турција денес издаде налози за приведување на 36 припадници на терористичката организација ФЕТО, јавува Anadolu Agency (AA).
Турските безбедносни сили, како дел од тековната истрага за инфилтрирањето на ФЕТО во турската Војска, започнаа истовремени операции против осомничените во 13 области низ земјата, вклучувајќи и за 22 војници на должност.
Налозите за приведување се издадени за осомничените за кои постојат наводи дека контактирале со „тајните имами“ на терористичката организација преку говорници.
ФЕТО и нејзиниот водач, Фетула Ѓулен, кој живее во Соединетите Американски Држави (САД), стојат зад неуспешниот обид за државен удар во Турција на 15 јули 2016 година, во кој загинаа 251 лице, а околу 2.200 беа повредени.
Терористичката ФЕТО стои и зад долготрајната кампања за соборување на државниот поредок преку инфилтрација во турските институции, особено во војската, полицијата и судството.
