Турција: Приведени се 22 лица поради финансирање терористи

ИСТАНБУЛ (АА) - Во операција на турската полиција спроведена во шест градови, приведени се 22 осомничени лица за кои е утврдено дека финансирале членови на терористичката организација ДХКП/Џ, јавува Агенција Анадолија (АА).

Екипи на Одделот за антитероризам започнаа акција за приведување на лица кои префрлале пари на членови на организацијата која дејствува во име на ДХКП/Џ.

По техничко и физичко следење, полицијата идентификуваше 28 осомничени и истовремено спроведе рации на адреси во Анкара, Бурса, Хатај, Истанбул, Коџаели и Мерсин. Приведени се најмалку 22 лица, а при претресот е одземена поголема количина документација и дигитален материјал.