Diyar Güldoğan
11 Декември 2022•Ажурирај: 12 Декември 2022
АНКАРА (АА) - Туркије и Алжир вложуваат напори за унапредување на билатералните односи на секое поле, изјави денес турскиот министер за надворешни работи Мевлут Чавушоглу, јавува Агенција Анадолија (АА).
„Под водство на нашите претседатели, вложуваме големи напори за подобрување на односите меѓу Туркије и Алжир на секое поле“, изјави Чавушоглу за новинарите во Алжир.
Чавушоглу ги даде овие изјави по средбата со алжирскиот претседател Абделмаџид Тебуне во рамките на неговата дводневна посета по повод копретседавањето со првиот состанок на заедничката група за планирање меѓу двете земји.
„Исто така, со задоволство ги чувме ставовите и оценките на претседателот Тебуне за регионалните прашања, особено за Либија“, додаде тој.
Чавушоглу истакна дека Туркије и Алжир ќе ги доведат меѓусебните односи до многу подобра точка, додавајќи: „Ја цениме улогата што Алжир ја игра за регионалниот мир и стабилност. Ние сме решени за понатамошно зајакнување на нашата соработка на сите полиња.“
