Fletëarrest për ish presidentin e Unionit Serbi-Mali i Zi

PODGORICË (AA) - Kryetari i Gjykatës Themelore të Kotorit Branko Vuçkoviç ka lëshuar sot urdhër arrest për ish presidentin e ish Unionit Serbi-Mali i Zi dhe zyrtarit të dikurshëm të lartë të Partisë Demokratike Socialiste Svetozar Maroviç. Urdhëri është lëshuar për vuajtje të dënimit me burg pas shpalljes fuqiplotë të vendimit nga Gjykata e Lartë në lartësi prej tre vite e nëntë muajsh, raporton Anadolu Agency (AA).

"Dënimi për të dënuarin e sipërpërmendur është dhënë për krimet e kryera edhe atë për dy veprat penale në vazhdimësi të shpërdorimit të pozitës zyrtare përmes nxitjes nga neni 416 paragrafi 3 lidhur me paragrafin 1 në lidhje me nenin 24 dhe nenin 49 të Kodit Penal të Malit të Zi, të kryer në mënyrë të organizuar dhe veprën e vazhdueshme penale të mashtrimit nga neni 244, paragrafi 4 në lidhje me paragrafin 1 në lidhje me nenin 49 të Kodit Penal të Malit të Zi të kryer në mënyrë të organizuar", thuhet në deklaratë.

Urdhri është dorëzuar në të njëjtën ditë në qendrë e sigurisë së Budvës për ekzekutimin.

Ish-presidenti i Unionit Serbi-Mali i Zi më herët para prokurorëve pranoi se ai ishte kreu i grupit të krimit të organizuar që ka dëmtuar buxhetin e Budvës për dhjetëra miliona euro dhe se ka rënë në ujdi rreth dënimit dhe burgimit.

Në bazë të dy marrëveshjeve, në total u dënua me tre vjet e 10 muaj burg, me gjobë prej 100 mijë euro dhe është urdhëruar të kthejë në arkën shtetërore më shumë se një milion euro.