Serbi, njoftime për kërcënime me bomba në 807 shkolla

Sot në Serbi janë dhënë njoftime për kërcënime me bomba në mbi 800 shkolla, njoftuan zyrtarët, me shkollat ​​që thuhet se janë evakuuar si masë paraprake, transmeton Anadolu.

"Që nga ora 9:30 e mëngjesit të sotëm, është raportuar se bombat ishin vendosur në gjithsej 807 shkolla fillore dhe të mesme", tha Ministria e Brendshme serbe në një deklaratë.

Policia nga departamentet përkatëse rajonale, përfshirë njësitë kriminale dhe teknike nga kryeqyteti Beograd, është në dispozicion për çdo rast, shtoi ministria.

Sipas mediave lokale, nxënësit dhe punonjësit janë dërguar në shtëpi ndërsa mësimi është pezulluar.

Ministria tha se oficerët nga Shërbimi i Krimit me Teknologji të Lartë do të punojnë me partnerë ndërkombëtarë për të gjurmuar dërguesin e kërcënimeve.