Armeni, vazhdojnë protestat për largimin e kryeministrit Pashinyan

Në Armeni kanë vazhduar protestat për dorëheqjen e kryeministrit Nikol Pashinyan, i cili pranoi disfatën ndaj Azerbajxhanit në Malësinë e Karabakut të pushtuar nga vendi i tij, raporton Anadolu Agency (AA).

Demonstruesit që kërkuan dorëheqjen e Pashinyan-it në kryeqytetin Jerevan, bllokuan disa rrugë qendrore, veçanërisht rrugën Bagramyan, ku ndodhet rezidenca presidenciale dhe ndërtesa e parlamentit.

Megjithëse policia mori masa sigurie në qytet, protestuesit vazhduan të ecin rrugëve të Jerevanit, duke brohoritur: "Pashinyan, dorëheqje", "Tradhtari Pashinyan" dhe "Pashinyan, ik”.

Kohë pas kohe kishte edhe përplasje verbale midis policisë dhe protestuesve.

Opozita bëri thirrje që popullata të marrë pjesë në demonstratat e filluara në mbrëmje.

Populli armen filloi protestat më 10 nëntor, pasi Pashinyan pranoi humbjen kundër Azerbajxhanit.