Australia ofron ndihmë për Sirinë pas vizitës së mbretit të Jordanisë

MELBOURN (AA) - Kryeministri australian, Malcolm Turnbull, njoftoi të mërkurën se Australia do të sigurojë 220 milionë dollarë australian (162 milion dollarë amerikan) ndihmë për krizën siriane, gjatë një vizite të Mbretit jordanez, Abdullah II në Canberra, raporton Anadolu Agency (AA).

"Ne do të ndajmë 220 milionë (dollarë australian) gjatë tre viteve për krizën siriane, përveç 213 milionë dollarëve australian të dhëna në ndihma humanitare që nga viti 2011", tha Turnbull në një konferencë të përbashkët për shtyp.

Ai tha se ministrat e qeverisë që ai drejton do të "riafirmojnë partneritetin tonë të ngushtë dhe ofrimin e ndihmës humanitare për popullin e Irakut dhe Sirisë, ku për shumicën e të cilëve është kujdesur Jordania me mikpritjen e saj bujare për qindra e mijëra refugjatë."