Biden bisedon për çështjen e Afganistanit me princin e kurorës së EBA-së

Presidenti i SHBA-së, Joe Biden në një bisedë telefonike me princin e kurorës së Abu Dabit, Mohamed bin Zayed theksoi evakuimet nga Afganistani, transmeton Anadolu Agency (AA).

Në një deklaratë nga Shtëpia e Bardhë thuhet se Biden ka falënderuar princin e kurorës së Emirateve të Bashkuara Arabe (EBA) për mbështetjen e dhënë për evakuimet që vazhdojnë nga kryeqyteti i Afganistanit, Kabul.

Gjithashtu dy liderët gjatë bisedës ranë dakord për të punuar së bashku në luftën kundër problemeve rajonale dhe globale.

Bëhet e ditur se Biden ka zhvilluar një bisedë telefonike edhe me kryeministrin e Spanjës, Pedro Sanchez ku kanë diskutuar mbi zhvillimet e fundit në Afganistan.

Në bisedë Biden i ka shprehur falënderime kryeministrit Sanchez për shkak të udhëheqjes që ka treguar për të mbështetur gratë dhe fëmijët vajza afgane si dhe që Spanja të presë përkohësisht afganët e evakuuar nga Kabuli.