Egjipt, turma në tregun më të madh të deveve në Lindjen e Mesme

Në rajonin Birqash, në veri të qytetit të Gizës në Egjipt, ekziston tregu më i madh i deveve në Lindjen e Mesme, i cili vizitohet veçanërisht para Kurban Bajramit, kur muslimanët blejnë kurban, raporton Anadolu.

Ky treg konsiderohet më i madhi në Lindjen e Mesme që nga viti 1995 dhe ndodhet larg zonave të banuara ndërsa është i ndërtuar në rreth 25 hektarë tokë.

Në këtë treg vijnë egjiptianët nga i gjithë vendi për të blerë deve, të cilat shiten kryesisht me ankand.

Çmimet e deveve varen nga lloji dhe qëllimi, gjegjësisht nëse ato janë të destinuara për mish, gara apo mbarështim.

Miliona muslimanë në mbarë botën, nga 28 qershori deri më 1 korrik, do të festojnë festën e Kurban Bajramit, e cila ndër të tjera shënohet me therjen e kurbanit dhe shpërndarjen e mishit të kurbanit.