Erdoğan në Seul takohet me heroinën e vërtetë të filmit "Ajla"

SEUL (AA) – Presidenti i Turqisë, Recep Tayyip Erdoğan u takua në Seul me koreanen Eunja Kim, heroinën e vërtetë 73-vjeçare të filmit "Ajla", raporton Anadolu Agency (AA).

Erdoğan takoi Eunjua në hotelin në të cilin është vendosur gjatë vizitës zyrtare në Korenë e Jugut.

Drama e regjisorit turk Kan Ulkay "Ajla" ishte kandidati për çmimin Oscar në garën për filmin më të mirë të huaj. Ky është një film i bazuar në historinë e vërtetë të një veterani turk të luftës koreane të viteve 1950 të shekullit të kaluar.

Ai gjen një vajzë të ngrirë deri në vdekje dhe me fshehtësi e sjell atë në bazë. Megjithëse pengesa gjuhësore nuk lejon komunikimin, ata me shpejtësi afrohen.

Ndarjen e përjetojnë me vështirësi kur veterani turk kthehet në atdhe, por ata përsëri takohen pas gjashtë dekadash.