FBI: Të shtënat në një bazë në Teksas ishin akt i terrorizmit

Sulmi në një bazë ajrore detare në Teksas të SHBA-ve është "i lidhur me terrorizmin", thanë zyrtarët e FBI-së, transmeton Anadolu Agency (AA).

Të shtënat në Korpusin e Stacionit Ajror Detar Christi kanë ndodhur rreth orës 06:15 të mëngjesit sipas kohës lokale. Një marinar u qëllua duke pësuar plagë të lehta dhe pritet të lirohet nga spitali lokal më vonë gjatë ditës.

Sulmuesi, i cili nuk është identifikuar zyrtarisht, u vra në një shkëmbim zjarri me personelin e bazës, pasi ai u përpoq të shpejtonte përmes një porte hyrëse me një automjet. "NBC News" raportoi se emri i të dyshuarit është Adam Alsahli.

Agjentja e lartë mbikëqyrëse e FBI-së, Leah Greeves u tha gazetarëve gjatë një konference për media se zyra ka informacione që përcaktojnë "se incidenti i mëngjesit të sotëm në Korpusin e Stacionit Ajror Detar Christi është i lidhur me terrorizmin".

"Ne jemi duke punuar me përkushtim me partnerët tanë shtetërorë, lokalë dhe federalë lidhur me hetimet, të cilat janë në vijim dhe zhvillim të sipër", tha ajo.

Greeves gjithashtu dyshon për përfshirje të një personi tjetër, për të cilin tha se mund të jetë "i lirë" brenda komunitetit.