Forcat izraelite vrasin një palestinez në Bregun Perëndimor

Forcat izraelite vranë një palestinez me pretendimet për tentim sulmi në Bregun Perëndimor të pushtuar, raporton Anadolu.

Në deklaratën e ushtrisë izraelite, pretendohet se një palestinez në qytetin e Hebronit në jug të Bregut Perëndimor ka tentuar të kryejë sulm me automjet në postbllokun ushtarak ku ndodhen forcat izraelite.

Një ushtar izraelit mbeti i plagosur lehtë ndërsa palestinezi, ndaj të cilit u hap zjarr, mbeti i vrarë, thuhet në deklaratë.

Identiteti i palestinezit të vrarë nga ushtarët izraelitë nuk është bërë i ditur.