Guvernatori i Kalifornisë nënshkruan urdhër për ruajtjen e termit "inteligjenca artificiale"

Guvernatori i Kalifornisë, Gavin Newsom, nënshkroi të mërkurën një urdhër ekzekutiv që u kërkon të gjitha agjencive shtetërore të vazhdojnë të përdorin termin “inteligjencë artificiale”, duke kundërshtuar përpjekjet e presidentit amerikan Donald Trump për ta riemërtuar teknologjinë si “superinteligjencë", transmeton Anadolu.

“Pretendimi për të ndryshuar emrin e diçkaje nuk mund ta shpërqendrojë një person me inteligjencë normale nga njohja e dështimit të paaftë dhe të frikshëm për të ndërmarrë veprime për adresimin e rreziqeve të dokumentuara që po shfaqen për sigurinë dhe mbrojtjen, të shkaktuara nga ajo gjë”, shkroi guvernatori demokrat, shteti i të cilit është qendra kryesore e sektorit global të teknologjisë dhe ku janë të përqendruara kompani të mëdha zhvilluese në Silicon Valley.

Urdhri u kërkoi të gjitha departamenteve dhe agjencive nën autoritetin e guvernatorit që në komunikimet zyrtare t'i referohen sistemeve vetëm si “Inteligjencë Artificiale” dhe “IA”, “pavarësisht çdo terminologjie të riemërtuar ose të ndryshme të përdorur nga qeveria federale".

Trump nënshkroi të mërkurën një urdhër ekzekutiv për riemërtimin e inteligjencës artificiale si “superinteligjencë”. Një ditë më parë, ai njoftoi se drejtuesit e kompanive më të mëdha amerikane të teknologjisë kishin nënshkruar marrëveshje “moralisht detyruese” për vendosjen e kontrolleve mbi teknologjinë.