Indi, 29 fëmijë vdesin nga encefaliti

Për shkak të sindromës së encefalitit akut (AES) në shtetin lindor Bihar të Indisë kanë humbur jetën 29 fëmijë, transmeton Anadolu Agency (AA).

AES është një rast i rëndë i encefalitit i transmetuar nga mushkonjat dhe karakterizohet me ethe të larta dhe inflamicioni të trurit.

Media lokale raportoi se një zyrtar i lartë në Ministrinë e Shëndetësisë, Sanjay Kumar, ka thënë se ekspertët do të vizitojnë zonat e prekura për të shqyrtuar situatën dhe do të sugjerojnë masa efektive për t’u ballafaquar me të.

Duke folur për mediumet, drejtori i Spitalit dhe Kolegjit Mjekësor Sri Krishna në qytetin Muzaffarpur, Sunil Shahi, tha se që nga fillimi i muajit, gjithsej 86 persona janë pranuar në spital për shkak të AES-it.

Në vitin 2012, mbi 40 fëmijë vdiqën nga simptomat e ngjashme me atë të AES-it. Ai u vërejt kryesisht tek individët e rinj të kequshqyer me simptoma të tilla si ethe dhe dhimbje koke.