Iraku rrëzon 7 dronë mbi Erbil

Sistemet e mbrojtjes ajrore rrëzuan 7 dronë të paidentifikuar gjatë natës mbi Erbil, kryeqytetin e Rajonit të Kurdistanit të Irakut, përpara se ata të arrinin objektivat brenda qytetit, transmeton Anadolu.

Mediat lokale thanë se dronët u kapën para se të kryenin sulme. Autoritetet nuk zbuluan origjinën e dronëve ose nëse kapjet shkaktuan viktima apo dëme materiale.

Në një incident të veçantë të dielën, një raketë dhe një dron shënjestruan kampin Azadi, të lidhur me Partinë Demokratike Kurde Iraniane, në zonën Koya (Koy Sanjaq) të Erbilit.

Sulmi ndaj kampit, ku jetojnë familjet e anëtarëve të partisë, nuk shkaktoi viktima, sipas raportimeve. Autoritetet e Qeverisë Rajonale Kurde të Irakut nuk kanë lëshuar deklaratë zyrtare mbi incidentet.

Armiqësitë në rajon janë përshkallëzuar që kur SHBA-ja dhe Izraeli nisën ofensivë të përbashkët ndaj Iranit më 28 shkurt, duke vrarë mbi 1.340 njerëz deri më sot, përfshirë ish-liderin suprem të Iranit, Ali Khamenei.

Teherani është hakmarrë me sulme me dronë dhe raketa që synojnë Izraelin si dhe Jordaninë, Irakun dhe vendet e Gjirit që strehojnë asete ushtarake amerikane. Irani gjithashtu ka kufizuar lëvizjen e anijeve përmes Ngushticës së Hormuzit.