Irani liron tre peshkatarët jordanezë

Irani sot ka liruar tre peshkatarë jordanezë të mbajtur nga Teherani për shkak të shkeljes së ujërave territoriale të vendit, bëri të ditur Ministria e Jashtme e Jordanisë, raporton Anadolu Agency (AA).

Në një deklaratë, zëdhënësi i Ministrisë, Sufian al-Quda, tha se peshkatarët janë dorëzuar në ambasadën jordaneze në Teheran.

Autoritetet iraniane ende nuk e kanë konfirmuar lirimin.

Peshkatarët u mbajtën nga Teherani që nga fundi i vitit 2018 për shkak të hyrjes në ujërat territoriale të vendit.

Por muajin e kaluar, autoritetet iraniane urdhëruan lirimin e tyre, duke i gjobitur për "hyrjen e paligjshme dhe peshkimin në ujërat territoriale iraniane".