Emre Aytekin
28 Maj 2020•Përditësim: 29 Maj 2020
Një proces gjyqësor është filluar ndaj ish-deputetit venezuelas Adel El Zabayar me akuzën e trafikimit të drogës dhe terrorizmit, transmeton Anadolu Agency (AA).
Prokurori i Rajonit Federal në New York, pretendoi se El Zabayar, i cili ka qenë deputet në periudhën e ish-presidentit Hugo Chavez, ka qenë një ndër emrat kryesor të rrjetit "narko-terror", që kontrabandon drogë në SHBA, nën udhëheqjen e presidentit aktual Nicolas Maduro.
Gjithashtu u pretendua se 56 vjeçari El Zabayar pas vdekjes së Chavez në vitin 2013 ka shkuar në Siri ku u ka ndihmuar forcave të regjimit të Assadit në luftën e brendshme, si dhe ka bërë ndërmjetësim mes administratës venezuelase me organizatat Hizbullah dhe Hamas.
Prokuroria më parë kishte përgatitur një aktakuzë me akuzën të njëjtë edhe kundër Maduros dhe kishte vendosur 15 milionë dollarë shpërblim për kapjen e tij.
